Солдат озату кичәсе

1 июль  көнне Тушкыр авыл клубында егетләрне армияга озату кичәсе утте. Шагаепов Айдар Шамиль улы һәм Казиханов Марсель Фангат улы уку йортларын уңышлы укып бетереп, Ватан алдындагы изге бурычларын үтәргә әзерләр. Кичәгә җыелган егетләрнең туганнары, дуслары, авылдашлары изге теләкләр теләделәр, җыр-бию белән изге юлга озаттылар. Китапхәнәче егетләргә төрле уеннар, конкурслар оештырды.

Безнең егетләр ил каршындагы бурычын лаеклы рәвештә үтәп туган ягына кайтыр дигән өметләр баглап калабыз. Уңышлар сезгә, егетләр!